Il ddarparwyr

Mae dewis y gofal dydd gorau i gyd-fynd ag anghenion eich teulu yn benderfyniad anodd. Mae'r wybodaeth isod yn amlygu'r pwyntiau y dylech eu hystyried ac yn awgrymu rhai cwestiynau yr hoffech eu gofyn i ddarparwr cofrestredig.

Gofynion Cyfreithiol

  • Ydych chi wedi cofrestru gyda'r Arolygiaeth Safonau Gofal yng Nghymru (CSIW)?
  • Alla i weld eich tystysgrif?
  • A oes gennych yswiriant atebolrwydd cyhoeddus?
  • Alla i weld y dystysgrif?
  • Beth oedd dyddiad eich adolygiad blynyddol diwethaf gan y CSIW?

Rheoli ymddygiad

  • Sut y caiff fy mhlentyn ei ddisgyblu?

Iechyd a Diogelwch

  • Pa weithdrefnau a geir ar gyfer triniaeth feddygol a chymorth cyntaf?
  • A oes gennych chi neu unrhyw aelod o staff dystysgrif cymorth cyntaf gyfredol?
  • A oes gennych bolisi meddyginiaeth os bydd yn rhaid i fy mhlentyn gymryd meddyginiaeth?

Costau

  • Beth yw cost mynychu bob sesiwn?
  • Pryd fydd yn rhaid i mi dalu?
  • A fydd yn rhaid i mi dalu ffi cadw os bydd fy mhlentyn yn sâl, neu'n mynd ar wyliau?
  • A godir y swm llawn fel arfer, neu gyfran ohono yn unig?

Argaeledd

  • Beth yw eich oriau agor?
  • Ydych chi ar agor yn ystod y tymor, y gwyliau neu drwy gydol y flwyddyn?

Gweithgareddau

  • Pa fath o weithgareddau a gynhelir?
  • A anogir y rhieni i helpu gydag unrhyw weithgareddau neu deithiau?
  • A oes man chwarae awyr agored diogel, wedi'i oruchwylio?
  • A oes man distaw i blant ymlacio/cysgu?
  • A oes gennych offer a deunyddiau priodol i blant o bob oedran?

Cydraddoldeb

  • Sut y gofelir am blant ag anghenion arbennig?
  • A anogir bechgyn a merched i ddefnyddio'r holl offer?
  • Pa ieithoedd a siaredir?

Bwyd

  • A ddarperir bwyd?
  • A yw'n faethlon ac yn amrywiol?
  • A yw'r bwyd yn ystyried gwahanol gefndiroedd diwylliannol?

Staffio

  • Beth yw'r cymarebau plentyn ac aelod o staff?
  • Pa gymwysterau mae eich staff yn meddu arnynt?
  • Pa hyfforddiant mae'r staff wedi ymgymryd ag ef yn ddiweddar?
  • A oes gweithiwr allweddol ar gyfer fy mhlentyn?
  • Ers pryd rydych wedi bod ar agor?

Polisïau

  • A oes cyfnod ymgartrefu?
  • A anogir y rhieni i dreulio amser gyda'r plentyn i ymgartrefu?
  • A oes polisi rhannu gwybodaeth gyda rhieni?