Croeso i GGiD

Ydych chi'n chwilio am wybodaeth, help neu gyngor ar weithgareddau hamdden i blant neu ofal plant ym Mwrdeistref Sirol Caerffili, ond ddim yn gwybod ble i ddechrau? Rydych wedi dod i'r lle cywir felly.

Mae'r Gwasanaeth Gwybodaeth i Deuluoedd (GGID) yn darparu cyngor a gwybodaeth am ddim ar amrywiaeth eang o opsiynau gofal plant a gweithgareddau i blant 0-10 mlwydd oed, eu teuluoedd a'u gofalyddion. Mae hyn yn cynnwys gwybodaeth am feithrinfeydd, gwarchodwyr, clybiau y tu allan i oriau ysgol, cylchoedd chwarae a chylchoedd rhieni a thwdlod. Rydym hefyd yn darparu help a chyngor ar dalu am ofal plant a gweithio ym maes gofal plant.

Mae ein Gwasanaeth Gwybodaeth Ieuenctid yn darparu gwybodaeth am ddim i bobl ifanc sy’n edrych amm weithgareddau hamdden fel clybiau ieuenctid a dosbarthiadau ffitrwydd. Mae gennym fanylion cyswllt hefyd ar gyfer gwasanaethau cymorth ledled y fwrdeistref. Mae ein gwefan yn cael ei ddatblygu ar hyn o bryd ond gallwch anfon e-bost gydag unrhyw gwestiynau at gwybodaethieuenctid@caerffili.gov.uk.