CORONAFEIRWS (COVID-19) : yr wybodaeth cyngor a chymorth diweddaraf

News Centre

‘Play Me, I’m Yours’ yng Nghanolfan Ymwelwyr Coedwig Cwmcarn

Postiwyd ar : 20 Aws 2018

Grŵp Sgowtiaid 1af Abercarn yn Sesiwn Peintio Piano'r Cymoedd diweddar yng Nghanolfan Ymwelwyr Coedwig Cwmcarn

Mae'r digwyddiad cerddoriaeth ‘Play Me, I’m Yours’ ar gael ar hyn o bryd yng Nghanolfan Ymwelwyr Coedwig Cwmcarn.

Mae'r prosiect yn deillio o waith yr artist Luke Jerram a gyrhaeddodd dros 10 miliwn o bobl trwy osod pianos ar draws gwahanol ddinasoedd o Hong Kong, i Baris ac Efrog Newydd.

Er mwyn dathlu trefi a chreadigrwydd lleol Cymoedd De Cymru, bydd 10 pianos unigol yn cael eu gosod o ganol tref Castell-nedd i Goedwig Cwmcarn dros yr haf.

Mae gosod y pianos yng Nghymoedd De Cymru yn dilyn lansiad llwyddiannus y gân ‘Ein Cymoedd, Our Valleys’ ar Spotify fis diwethaf. Mae'r gân hon a ysgrifennwyd ac a berfformiwyd gan y canwr-gyfansoddwr Cymreig Kizzy Crawford, ynghyd â mwy na 200 o blant ysgol y Cymoedd, yn dathlu ysbryd cerddorol y Cymoedd. Bydd gan bob un o'r 10 piano'r ddalen gerddoriaeth ar gyfer y gân hon fel y gall pawb sy'n ymweld canu'n uchel â balchder.

Trefnwyd y digwyddiad hwn gan Dasglu Llywodraeth Cymru yn y Cymoedd, fel rhan o ymgyrch Ein Cymoedd, Ein Dyfodol.

Cafodd y piano yng Nghoedwig Cwmcarn ei ddylunio a'i baentio gan Grŵp Sgowtiaid 1af Abercarn a gwirfoddolwyr mewn Sesiwn Peintio Piano'r Cymoedd arbennig ar ddydd Mercher 15^fed Awst ac mae bellach ar gael i ymweld â hi bob dydd tan ddydd Sul 9^fed Medi.

Dywedodd Alun Davies, Ysgrifennydd y Cabinet dros Lywodraeth Leol a Gwasanaethau Cyhoeddus, a Chadeirydd y Tasglu Gweinidogol: “Mae gennym ysbryd cymunedol, talent a thirlun mor anhygoel yn y Cymoedd. Beth am ddod at ein gilydd i ganu'n uchel, canu'n falch a rhannu gyda'r byd yr holl bethau sydd gennym i ddathlu yng Nghymoedd De Cymru.”

Dywedodd y Cynghorydd David Poole, Arweinydd Cyngor Bwrdeistref Sirol Caerffili, “Mae hon yn rhaglen wych a fydd yn helpu i annog pobl i aros ac archwilio eu cymunedau eu hunain yn ogystal â dod â mwy o dwristiaeth ac ymwybyddiaeth i Gymoedd y De. Rwy'n edrych ymlaen at weld y gymuned leol yn dod ynghyd yng Nghoedwig Cwmcarn i fwynhau a chymryd rhan yn y dathliad hwn o ddiwylliant Cymru.”

I gael gwybod mwy am y gweithgareddau yng Nghoedwig Cwmcarn ffoniwch 01495 272001 neu ewch at y dudalen Facebook www.facebook.com/cwmcarnforest.

Neu, am ragor o wybodaeth am 'Ein Cymoedd, Ein dyfodol' a chynlluniau'r tasglu i gefnogi ein Cymoedd ewch i https://beta.llyw.cymru/ein-cymoedd-ein-dyfodol new ewch i http://www.facebook.com/talkvalleys/

Rhannwch y dudalen hon :

Rhannwch ar Facebook

Rhannwch ar Twitter

Newyddion Diweddar

Ymholiadau'r Cyfryngau

Gwasanaethau A i Y