CORONAFEIRWS (COVID-19) : yr wybodaeth cyngor a chymorth diweddaraf

News Centre

Diweddariad am ysgolion

Postiwyd ar : 04 Ion 2021

Mae Llywodraeth Cymru wedi cyhoeddi y bydd ysgolion ledled Cymru yn mabwysiadu dull ‘dysgu cyfunol’ am y pythefnos nesaf, tan ddydd Llun 18 Ionawr. Mae hyn yn golygu na fydd y mwyafrif o ddisgyblion yn mynychu'r ysgol, ond yn dysgu o bell.

Dyma lythyr at rieni oddi wrth Brif Swyddog Addysg y Cyngor:

Annwyl Riant,

Blwyddyn Newydd Dda i chi i gyd a hoffwn i, yn gyntaf, achub ar y cyfle hwn i ddiolch i chi am eich amynedd a'ch cydweithrediad parhaus ynghylch y sefyllfa yn ein hysgolion.

Byddwch chi'n ymwybodol bod trafodaethau'n parhau ar lefel genedlaethol rhwng y Llywodraeth, awdurdodau lleol ac undebau'r athrawon ynghylch ailagor ein hysgolion yn y ffordd fwyaf diogel posibl er mwyn diogelu'r disgyblion a'r staff.

Rydyn ni i gyd yn cytuno bod iechyd a lles cymuned gyfan yr ysgol o'r pwys mwyaf, ac mae trafodaethau wedi bod yn digwydd y bore yma rhwng y Cyngor a phenaethiaid ledled y Fwrdeistref Sirol i gytuno ar y ffordd orau ymlaen.

Rydyn ni'n gwybod bod y nifer gynyddol o achosion newydd, yn enwedig yr amrywiad newydd ar y coronafeirws, yn achosi pryder sylweddol. Byddwch chi hefyd, o bosibl, yn ymwybodol y cafodd cyngor newydd ar warchod y rhai sydd fwyaf agored i niwed ei gyhoeddi cyn y Nadolig, ac mae hyn yn effeithio ar y lefelau staffio yn ein hysgolion.

Heddiw, mae Llywodraeth Cymru wedi cadarnhau y bydd pob ysgol ledled Cymru yn mabwysiadu dull ‘dysgu cyfunol’ am y pythefnos nesaf, tan ddydd Llun 18 Ionawr. Mae hyn yn golygu na fydd y mwyafrif o ddisgyblion yn mynychu'r ysgol, ond yn cael addysg.

Fodd bynnag, bydd ysgolion ar agor i ddysgwyr agored i niwed a phlant gweithwyr allweddol/hanfodol cymwys o ddydd Mercher (6 Ionawr). Gwnewch gais drwy ddilyn y ddolen hon:
www.caerffili.gov.uk/Services/Coronavirus/Emergency-school-provision-for-keyworkers?lang=cy-gb

Rydyn ni wedi ymrwymo i ailgyflwyno dull addysgu wyneb yn wyneb yn raddol yn achos yr holl ddisgyblion ar ôl 18 Ionawr, cyn gynted ag y bydd asesiadau risg cenedlaethol a lleol yn caniatáu i hynny ddigwydd, ac rydyn ni'n disgwyl rhagor o ganllawiau yn hyn o beth.

Byddaf yn parhau i roi'r wybodaeth ddiweddaraf i chi o ran y mater hwn.

Cofion

Keri Cole
Prif Swyddog Addysg

Rhannwch y dudalen hon :

Rhannwch ar Facebook

Rhannwch ar Twitter

Newyddion Diweddar

Ymholiadau'r Cyfryngau

Gwasanaethau A i Y