Seremonïau yn Nhŷ Penallta
Gwybodaeth am coronafeirws: Mae ymlacio rhai rheoliadau sy'n caniatáu i bobl deithio i fynd i briodasau neu bartneriaethau sifil wedi golygu y gellir cynnal rhai seremonïau a chofrestriadau nawr. O 1 Gorffennaf 2020, bydd Gwasanaeth Cofrestru Caerffili yn ail-gychwyn seremonïau yn Nhŷ Penallta. Fodd bynnag, mae'r rheolau a'r rheoliadau cyfredol yn golygu bod y niferoedd sy'n gallu bod yn bresennol yn gyfyngedig iawn. Yn y swyddfa gofrestru statudol - y cwpl ynghyd â 2 dyst. Yn ystafell seremonïau Craig Penallta - y cwpl ynghyd â 10 gwestai.
Mae gennym ddwy ystafell yn Nhŷ Penallta lle gallwn gynnal seremonïau priodasol neu bartneriaethau sifil: Craig Penallta a’r Swyddfa Gofrestru Statudol.
Craig Penallta
Gall hyd at 70 o westeion eistedd yn gyffyrddus yma, ond byddai yr un mor addas i nifer dipyn llai. Mae’r ystafell wedi’i lleoli ar y llawer isaf sydd yn rhoi mynediad hawdd i bramiau bach a rhai gydag anabledd.
Mae’r ystafell seremoni wedi’i dodrefnu yn safonol iawn, sy’n gwneud yn yn lleoliad delfrydol i’ch seremoni.
Swyddfa Gofrestru Statudol
Ystafell fechan ond un ddeniadol yw hon. Yma gall cyplau briodi neu ffurfio partneriaethau sifil ym mhresenoldeb dau dyst.
Talu am seremonïau
Yn ychwanegol at gost rhoi rhybudd, mae’n rhaid talu hefyd am seremonïau a gynhelir yn Nhŷ Penallta. Am fanylion ar y ffioedd diweddaraf ewch i’r dudalen ffioedd a thaliadau am briodasau a phartneriaethau sifil ar ein gwefan.
Gwneud eich seremoni yn fwy personol
Gallwch lunio eich seremoni yn ôl eich dymuniad. Gallwch gynnwys darlleniad, neu ddarn o farddoniaeth neu ychwanegu eich addunedau ac addewidion personol i’ch gilydd.
Yng Nghraig Penallta mae modd cerdded drwy ganol yr ystafell fel y gwneir mewn priodasau traddodiadol pe mynnech a gallwch ychwanegu hoff ddarn o gerddoriaeth. Mae modd mynd allan hefyd mewn modd ffurfiol i gloi'r seremoni a hynny i gyfeiliant cerddoriaeth neu rhywbeth sy’n arbennig i’r cwpl. Gallwch ddewis cerddoriaeth o blith y rhestrau sydd gennym i’w gynnig, neu gallwch ddarparu eich cerddoriaeth eich hun.
Ni ddylai unrhyw newidiadau gynnwys unrhyw elfennau crefyddol a bydd angen i’n cofrestryddion eu cymeradwyo cyn y diwrnod.
Ewch i'n tudalen “Eich diwrnod chi, eich ffordd chi” i gael ragor o wybodaeth.
Recordio a thynnu lluniau
Bydd digon o gyfleoedd ar gael i dynnu lluniau yn ystod ac ar ôl y seremoni. Mae yna leoliadau yn ystafell y seremoni ac o’i chwmpas lle gellir tynnu lluniau, gyda gardd goediog braf y gellir ei defnyddio i dynnu lluniau yng nghefn Tŷ Penallta.
Caniateir recordio'r seremoni ar fideo hefyd.
Gweld lluniau o'r ystafell seremoni a'r tiroedd ar Flickr
Lleoliadau eraill a gymeradwyir
Mae yno leoliadau eraill a gymeradwyir ar gyfer priodasau a phartneriaeth sifil drwy’r fwrdeistref sirol. Ewch i’n gwefan o’r lleoliadau a gymeradwyir i gael manylion.