Cynnwys Dinasyddion a’r Problemau
Y Dull o Gynnwys

Beth yw hwn?

Teclyn yw hwn i’ch ysgogi i feddwl am y ffaith fod y dull o gynnwys neu ymgysylltu’n gallu bod ynddo’i hun yn destun ar gyfer ymgysylltu.

Beth yw ei ddiben?

Mae dau ddefnydd i’r Teclyn. Yn gyntaf, mae’n ein hatgoffa bod pobl yn wahanol ac mae angen eu cynnwys fel dinasyddion mewn gwahanol ffyrdd. Yn ail, mae’n eich gorfodi i feddwl am y mathau o gynnwys sydd ar gael oherwydd gall hynny ddylanwadau ar barodrwydd pobl i gymryd rhan.

Y Math o Ymgysylltu

Dyma ddwy stori fer sydd yn ymddangos hefyd yn adran Rhwystrau y PECYN CYMORTH.

Mae Beryl wedi gweld poster yn hysbysebu cyfarfod ynglŷn â gwneud y strydoedd yn ddiogelach i bobl hŷn. Bydd y cyfarfod am 7.30 yr hwyr ar y 30ain Tachwedd rywle tua milltir o gartref Beryl. Byddai’n hoffi mynd ond nid oes ganddi ffordd o gyrraedd yno. Mae ei harthritis yn ddrwg. A boed hynny fel y bo, y tro diwethaf iddi fynd i gyfarfod fel hyn, chafodd hi ddim cyfle i ddweud dim.

Mae Sam hefyd wedi gweld poster yn hysbysebu cyfarfod ynglŷn â gwneud y strydoedd yn ddiogelach i bobl hŷn. Bydd y cyfarfod hwn am 2 y pnawn ar y 20fed Mehefin. Mae Sam yn gweithio’n llawn amser ac yn gofalu am ei fam oedrannus - ac am ei wyrion. Mae Sam yn poeni am ddiogelwch ar y strydoedd a bu’n weithgar gyda’r cynllun Gwarchod Cymdogaeth ond does ganddo ddim amser - yn arbennig yn ystod y dydd.

Pethau i’w hystyried:

  • A fydd dull “un i bawb” o gynnwys yn debygol o weithio gyda Beryl a Sam?
  • A yw amseriad a lleoliad y cyfarfodydd yn awgrymu bod y rhai sydd mewn grym eisiau clywed barn Beryl a Sam mewn gwirionedd?
  • Mae Sam yn ffonio ei Awdurdod Lleol i holi a fydd y cyfarfod yn cael ei gynnal eto a hynny gyda’r hwyr. ‘Na’ yw’r ateb. Beth yw barn Sam am gynnwys dinasyddion ar ôl hynny?
  • Mae Beryl yn cael ei hannog i gymryd rhan ‘ar-lein’. Ond nid oes gan Beryl gyfrifiadur, a byddai’r arthritis yn ei dwylo yn ei rhwystro rhag defnyddio cyfrifiadur yn rhwydd. Beth yw barn Beryl am gynnwys dinasyddion ar ôl hynny?