Yn dilyn y cyhoeddiad hwn, ynghylch y tymor newydd ym mis Ionawr, 2021, ysgrifennaf atoch er mwyn cadarnhau'r trefniadau ar gyfer ysgolion ym Mwrdeistref Sirol Caerffili.
Mae'r penderfyniad hwn wedi'i seilio ar y nifer cynyddol o brinder staff oherwydd achosion cadarnhaol a rheiny sydd yn gorfod hunan-ynysu, ynghŷd â'r pryder bod y niferoedd hyn, wrth gwrs, y tu hwnt o anodd ei rhagweld ar gyfer wythnos gyntaf y tymor. Bydd yn rhaid adolygu pob asesiad risg.
Ysgolion cynradd, Trinity Fields, Y Ganolfan Ddysgu a lleoliadau EOTAS
Mae dydd Llun 4ydd Ionawr a dydd Mawrth, 5ed Ionawr yn ddiwrnodau dysgu hirbell ar gyfer pob ysgol, tra bod niferoedd staffio yn cael eu cadarnhau. Os yw ysgol wedi cynllunio diwrnod hyfforddiant mewn swydd, yna defnyddir y 5ed a'r 6ed ar gyfer diwrnodau dysgu hirbell. Bydd ysgolion unigol yn cyfathrebu trefniadau penodol.
Yn dilyn y diwrnodau dysgu hirbell, bydd darpariaeth wyneb yn wyneb ar gael ar gyfer gofal plant gweithwyr allweddol cymwys a disgyblion bregus, a bydd ysgolion yn cysylltu â grwpiau / dosbarthiadau eraill o ddisgyblion i ddechrau dysgu ar safle’r ysgol.
Bydd disgyblion nad ydynt ar y safle yn parhau i dderbyn darpariaeth dysgu o bell.
Bydd pob disgybl yn ôl yn yr ysgol ar gyfer dysgu wyneb yn wyneb erbyn dydd Llun, 18fed Ionawr, 2021, ar yr hwyraf ac eithrio'r dosbarthiadau sydd ar gau oherwydd hunan-ynysu neu brinder staff.
Ysgolion Uwchradd
Bydd dydd Llun 4ydd Ionawr a dydd Mawrth, 5ed Ionawr yn cael eu defnyddio fel diwrnodau dysgu hirbell ar gyfer pob ysgol, er mwyn cadarnhau niferoedd staffio. Os yw ysgol wedi cynllunio diwrnod hyfforddiant mewn swydd, yna defnyddir y 5ed a'r 6ed ar gyfer diwrnodau dysgu hirbell.
Yn dilyn y diwrnodau dysgu hirbell, bydd darpariaeth wyneb yn wyneb ar gyfer plant gweithwyr allweddol cymwys a disgyblion bregus a bydd ysgolion yn cysylltu â grwpiau blynyddoedd eraill o ddisgyblion i ddechrau ar eu dysgu ar safle’r ysgol, gan roi blaenoriaeth i flynyddoedd 11, 12 a 13.
Bydd pob disgybl yn ôl yn yr ysgol ar gyfer dysgu wyneb yn wyneb erbyn dydd Llun, 18fed Ionawr, 2021, ar yr hwyraf ac eithrio'r dosbarthiadau sydd ar gau oherwydd hunan-ynysu neu brinder staff.
Brydau Ysgol am Ddim
Bydd disgyblion sydd â hawl i brydau ysgol am ddim yn parhau i dderbyn prydau yn ôl y drefn hyd at nawr. Bydd disgwyl i’r disgyblion sydd yn derbyn darpariaeth ar y safle ddod â phecyn bwyd.
Darpariaeth gofal ysgol frys ar gyfer plant gweithwyr hanfodol (allweddol)
I fod yn gymwys am Ddarpariaeth Addysg ar gyfer Gweithwyr Hanfodol (Allweddol) y Coronafeirws, rhaid i chi fodloni'r holl feini prawf canlynol:
- Rhaid bod eich plentyn/plant o oed ysgol ac ar y gofrestr yn un o ysgolion Caerffili cyn i'r ysgolion gau ym mis Rhagfyr.
- Mae un rhiant yn weithiwr hanfodol (allweddol) y coronafeirws (https://llyw.cymru/adnabod-plant-gweithwyr-hanfodol-canllawiau)
- Os oes ail riant/oedolyn yn yr aelwyd, rhaid bod y person hwnnw hefyd yn weithiwr hanfodol (allweddol) y coronafeirws a bod angen iddo fynd i'w weithle, ac nid oes modd gofalu am y plentyn/plant gartref yn ddiogel
- Rydych chi'n byw ym Mwrdeistref Sirol Caerffili
Sut i wneud cais
- Os ydych chi wedi defnyddio darpariaeth addysg gweithwyr hanfodol o'r blaen ac nad yw'ch amgylchiadau wedi newid, nid oes angen i chi wneud dim. Mae gennym ni eich manylion chi, ac mae'r rhain wedi'u trosglwyddo i'r ysgol. Bydd yr ysgol yn cysylltu â chi yn ystod y ddau ddiwrnod cynllunio ar 4 Ionawr a 5 Ionawr i gadarnhau'r trefniadau.
- Os nad ydych chi wedi defnyddio darpariaeth addysg gweithwyr hanfodol o'r blaen, neu os yw'ch amgylchiadau wedi newid, ewch ati i lenwi'r ffurflen gais ar-lein isod. Byddwn ni'n trosglwyddo ceisiadau cymwys i'r ysgol. Yna, bydd yr ysgol yn cysylltu â chi yn ystod y ddau ddiwrnod cynllunio ar 4 Ionawr a 5 Ionawr i gadarnhau'r trefniadau.
Gwneud cais am ddarpariaeth gofal ysgol frys ar gyfer plant gweithwyr hanfodol (allweddol)
Noder bod rhestr Llywodraeth Cymru o weithwyr hanfodol (allweddol) yn un helaeth. Bydd ceisiadau gan staff rheng flaen y gwasanaethau brys, gofal cymdeithasol ac addysg yn cael blaenoriaeth yn y lle cyntaf.