COVID-19 - Yr wybodaeth ddiweddaraf am ysgolion

  Bydd disgyblion y C yfnod Sylfaen (3–7 oed) yn dychwelyd i'r ysgol yn raddol ym Mwrdeistref Sirol Caerffili erbyn 26 Chwefror.

Cyhoeddodd Llywodraeth Cymru, yn ei hadolygiad ar 19 Chwefror, os bydd y sefyllfa'n parhau i wella dros y cyfnod canlynol o dair wythnos, bydd rhagor o blant ysgolion cynradd a myfyrwyr hŷn yn gallu dychwelyd o 15 Mawrth. Tan hynny, bydd y disgyblion hynny'n parhau â'r trefniadau dysgu o bell cyfredol.

Ar hyn o bryd, mae mwyafrif y plant ledled y Fwrdeistref Sirol yn dysgu o bell, tra bod ysgolion yn parhau i ddarparu cymorth wyneb yn wyneb i blant sy'n agored i niwed a phlant gweithwyr allweddol cymwys.

Mae'r staff wedi gweithio'n galed i sicrhau bod ysgolion mor ddiogel â phosibl. Pan fydd eich plentyn yn dychwelyd i'r ysgol, mae angen i chi barhau i helpu rheoli lledaeniad y feirws trwy wneud y canlynol:

• Peidiwch ag anfon eich plentyn i'r ysgol os yw'n sâl.
• Peidiwch ag anfon eich plentyn i'r ysgol os oes unrhyw un yn eich aelwyd wedi trefnu prawf coronafeirws.
• Os bydd angen i chi ddefnyddio trafnidiaeth gyhoeddus neu dacsi i gludo'ch plentyn i'r ysgol, gwnewch hynny'n ddiogel neu ystyried cerdded neu feicio lle bo hynny'n bosibl.
• Os nad oes gennych chi unrhyw ddewis, peidiwch â rhannu lifft â theuluoedd eraill.
• Wrth ollwng a chasglu eich plentyn o'r ysgol, cofiwch gadw'ch pellter oddi wrth rieni eraill a pheidio ag aros i sgwrsio.
• Peidiwch â gwahodd plant eraill (na'u rhieni/gwarchodwyr) i'ch cartref i chwarae nac aros, hyd yn oed yn yr awyr agored, neu hyd yn oed os ydyn nhw'n rhan o'r un swigen yn yr ysgol.
• Sicrhewch fod eich plentyn yn golchi neu ddiheintio'i ddwylo'n rheolaidd.Os yw'ch plentyn yn dangos symptomau coronafeirws yn yr ysgol, bydd yn cael ei anfon adref. Bydd angen i chi drefnu prawf ar ei gyfer a sicrhau bod eich aelwyd yn dilyn y canllawiau hunanynysu.  

Darpariaeth gofal ysgol frys ar gyfer plant gweithwyr hanfodol (allweddol)

I fod yn gymwys am Ddarpariaeth Addysg ar gyfer Gweithwyr Hanfodol (Allweddol) y Coronafeirws, rhaid i chi fodloni'r holl feini prawf canlynol:

• Rhaid bod eich plentyn/plant o oed ysgol ac ar y gofrestr yn un o ysgolion Caerffili cyn i'r ysgolion gau ym mis Rhagfyr.
• Mae un rhiant yn weithiwr hanfodol (allweddol) y coronafeirws  (https://llyw.cymru/adnabod-plant-gweithwyr-hanfodol-canllawiau) Please note: Being included on the above list does not mean children of all workers in these categories can or will be able to continue to send their children to school. Many parents working in these sectors may be able to ensure their child is kept at home. Every child who can be safely cared for at home should be. However, if a parents/carers work is critical to the COVID-19 response or is in a key sector such as health and social care and the child/children cannot be kept safely at home, then priority should be given for continued education provision.
• Os oes ail riant/oedolyn yn yr aelwyd, rhaid bod y person hwnnw hefyd yn weithiwr hanfodol (allweddol) y coronafeirws a bod angen iddo fynd i'w weithle, ac nid oes modd gofalu am y plentyn/plant gartref yn ddiogel
• Rydych chi'n byw ym Mwrdeistref Sirol Caerffili

Sut i wneud cais

• Os ydych chi wedi defnyddio darpariaeth addysg gweithwyr hanfodol o'r blaen ac nad yw'ch amgylchiadau wedi newid, nid oes angen i chi wneud dim. Mae gennym ni eich manylion chi, ac mae'r rhain wedi'u trosglwyddo i'r ysgol. Bydd yr ysgol yn cysylltu â chi yn ystod y ddau ddiwrnod cynllunio ar 4 Ionawr a 5 Ionawr i gadarnhau'r trefniadau.
• Os nad ydych chi wedi defnyddio darpariaeth addysg gweithwyr hanfodol o'r blaen, neu os yw'ch amgylchiadau wedi newid, ewch ati i lenwi'r ffurflen gais ar-lein isod. Byddwn ni'n trosglwyddo ceisiadau cymwys i'r ysgol. Yna, bydd yr ysgol yn cysylltu â chi yn ystod y ddau ddiwrnod cynllunio ar 4 Ionawr a 5 Ionawr i gadarnhau'r trefniadau. 

Gwneud cais am ddarpariaeth gofal ysgol frys ar gyfer plant gweithwyr hanfodol (allweddol)

Noder bod rhestr Llywodraeth Cymru o weithwyr hanfodol (allweddol) yn un helaeth. Bydd ceisiadau gan staff rheng flaen y gwasanaethau brys, gofal cymdeithasol ac addysg yn cael blaenoriaeth yn y lle cyntaf.

Brydau Ysgol am Ddim

Bydd disgyblion sydd â hawl i brydau ysgol am ddim yn parhau i dderbyn prydau yn ôl y drefn hyd at nawr. Bydd disgwyl i’r disgyblion sydd yn derbyn darpariaeth ar y safle ddod â phecyn bwyd.