Parc Busnes Oakdale
Mae'r gwaith o adfywio a datblygu hen safle Pwll Glo Oakdale yn esiampl wych o ddatblygiad sy'n cwmpasu gweledigaeth strategol hirdymor gyda gweithio mewn partneriaeth er mwyn cael mynediad i ystod o ffynonellau cyllido yn cynnwys yr Undeb Ewropeaidd. Mae'r datblygiad wedi bod yn sensitif i anghenion y gymuned a'r amgylchedd, ac mae'n parhau i fod felly.

Hen safle Pwll Glo Oakdale yw'r safle 400 erw, a chymerodd chwe mlynedd a dros £10 miliwn i'w adfer, gan greu un o'r llwyfandiroedd mwyaf yng Nghymoedd y de sy'n cwmpasu dros 100 erw. Wedi iddo gael ei gwblhau, mae gan y Parc Busnes y potensial i greu 5,000 o swyddi newydd ar gyfer yr economi leol, gwerth £100 miliwn y flwyddyn.

Mae'r safle eisoes wedi denu prosiectau mewnfuddsoddi sylweddol, ac mae cynigion i ddatblygu'r safle yn y dyfodol, gan ddarparu cymysgedd o adeiladau i ddiwallu anghenion busnesau modern.

Fersiwn addas i argraffu