Hafan

1 RHAGAIR

Ein pwrpas canolog yw cefnogi cymunedau cynaliadwy a chydnerth ar draws y Fwrdeistref Sirol. Yn yr ychydig flynyddoedd diwethaf rydym wedi rheoli’r tyndra rhwng cyllid llai a’r galwadau cynyddol am wasanaethau. Mae’r bwlch yn dal i gynyddu, ac er mwyn ffynnu yn yr amgylchedd newydd hwn, mae angen ffordd newydd o feddwl. Rydym yn Gyngor cryf a chydnerth sydd â gwybodaeth fanwl am ein pobl a’n lle, felly rydym mewn sefyllfa dda i wynebu’r her ac achub ar y cyfleoedd.

Cyng. David Poole, Arweinydd a Christina Harrhy, Prif Weithredwr Dros Dro

MWY

2 CYFLWYNIAD

Mae’r awdurdod yn dechrau ar raglen trawsnewid fawr i edrych ar sut y caiff gwasanaethau eu blaenoriaethu a sut y gallant ddod yn fwy busnes effeithlon, i ymchwilio i gyfleoedd i ganolbwyntio mwy ar y cwsmer a chyflawni’n ddigidol, ac i ystyried modelau cyflawni amgen a chwilio am gyfleoedd masnachol.

MWY

3 EIN GWELEDIGAETH A’N PWRPAS

Bydd Cabinet presennol y Cyngor yn arwain y weinyddiaeth tan yr etholiadau llywodraeth leol nesaf ym mis Mai 2022. Lansiodd y Cabinet set o ymrwymiadau i’r sefydliad, i’r staff ac i gymunedau yn gynnar yn ei gyfnod mewn swydd, sydd wedi’u cynnwys yng Nghynllun Corfforaethol 2018-2023 y Cyngor.

MWY

4 EIN MODEL GWEITHREDU NEWYDD

Mae #TîmCaerffili – Yn Well Gyda’n Gilydd yn rhaglen strategol o newid trawsnewidiol “awdurdod cyfan” a gyflawnir trwy fodel gweithredu newydd ar gyfer y ffordd yr ydym yn darparu gwasanaethau.

MWY

5 CREU’R DIWYLLIANT SEFYDLIADOL IAWN

Bydd ein ffyrdd newydd o weithio’n galw am weddnewid ein diwylliant ac arweiniad bwriadus, effeithiol gan wleidyddion a swyddogion i fwrw ymlaen â’r agenda newid uchelgeisiol. Mae angen i weithwyr ac Aelodau Etholedig ar bob lefel ddeall pam mae’r sefydliad yn newid, a bydd hefyd angen iddynt goleddu diwylliant a fydd yn helpu i siapio’r ffordd mae’r Cyngor yn gweithio yn y dyfodol. Nhw yw’r galluogwyr allweddol ac mae llwyddiant ein taith trawsnewid yn dibynnu ar ymrwymiad a chefnogaeth gan ein gweithlu.

MWY

6 HYBU A CHEFNOGI ARLOESEDD

Mae angen inni herio modelau gwasanaeth sy’n bodoli eisoes a choleddu technolegau sy’n dod i’r amlwg er mwyn cynyddu effeithlonrwydd a sicrhau gwerth am arian.

MWY

7 COLEDDU TECHNOLEGAU NEWYDD – “DIGIDOL YN GYNTAF”

Bydd angen inni goleddu technolegau newydd er mwyn moderneiddio’r ffordd yr ydym yn gweithio, symleiddio prosesau, gwella llif gwaith ac ysgogi arbedion effeithlonrwydd.

MWY

8 SEFYDLU RHAGLEN STRWYTHUREDIG O ADOLYGIADAU GWASANAETHAU

Byddwn yn cyflwyno rhaglen strwythuredig o adolygiadau gwasanaethau a fydd yn gwerthuso’r gwasanaethau a ddarparwn ac yn sicrhau eu bod yn aros yn berthnasol ac y cânt eu darparu yn y ffyrdd mwyaf effeithiol ac effeithlon er mwyn sicrhau y ceir gwerth am arian.

MWY

9 MABWYSIADU YMAGWEDD FASNACHOL

Yn ganolog i’n rhaglen awdurdod cyfan o newid trawsnewidiol mae ein harwyddair newydd sef Calon Gymdeithasol a Phen Masnachol. Mae hwn yn cydnabod ein hymrwymiad i wasanaeth cyhoeddus ac anghenion ein dinasyddion, ond hefyd yn dangos ein dymuniad i ymchwilio i gyfleoedd masnachol lle bo’n briodol, er mwyn cynhyrchu incwm ychwanegol i’w ailfuddsoddi mewn gwasanaethau i’w helpu i aros yn gydnerth.

MWY

10 YMGYSYLLTU A GWEITHIO GYDA’N CYMUNEDAU

Nod ein rhaglen trawsnewid #TîmCaerffili yw ail-siapio’r Cyngor at y dyfodol. Rhaid inni wneud pethau’n wahanol er mwyn amddiffyn y gwasanaethau y mae eu hangen ac sy’n cael eu gwerthfawrogi.

MWY

11 MYND ATI I CHWILIO AM GYFLEOEDD I GYDWEITHIO

Fel rhan o’r rhaglen trawsnewid byddwn yn adeiladu ar fframweithiau cydweithio sy’n bodoli eisoes. Byddwn hefyd yn ymchwilio i’r potensial am gyfleoedd newydd i gydweithio gyda chyrff eraill yn y sector cyhoeddus, lle bo buddion ymarferol i’n cymunedau a/neu gyfle i leihau costau.

MWY

12 ADNODDAU A GALLU

Mae maint yr her ariannol mae’r Cyngor yn ei hwynebu eisoes wedi cael ei nodi’n glir yn y Strategaeth hon. Er mwyn ymdrin â’r her hon mae’r Cabinet wedi cytuno ar set o Egwyddorion Arbedion y Cynllun Ariannol Tymor Canolig diwygiedig.

MWY

13 SICRHAU BOD GENNYM WEITHLU SY’N ADDAS I’R DYFODOL

Ein staff yw ein hadnodd pwysicaf. Mae gennym weithlu brwdfrydig ac ymroddedig sy’n darparu gwasanaethau ardderchog i’n cymunedau pob dydd.

MWY

14 TREFNIADAU RHEOLI’R RHAGLEN

Bydd trefniadau effeithiol i reoli’r rhaglen yn un o’r gofynion hanfodol er mwyn sicrhau y caiff y Strategaeth Trawsnewid ei gwireddu’n llwyddiannus.

MWY

15 CYNLLUN GWEITHREDU STRATEGOL #TÎMCAERFFILI

Mae rhywfaint o’r Strategaeth Trawsnewid hon eisoes yn mynd rhagddi.Bydd Cynllun Gweithredu Strategol #TîmCaerffili sydd ynghlwm yn Atodiad 1 yn ein helpu i reoli’r daith trawsnewid ac yn caniatáu inni ddangos ein cynnydd.

MWY

SUT I GAEL GWYBOD MWY

Ewch i wefan Cyngor Bwrdeistref Sirol Caerffili www.caerffili.gov.uk

I gael mwy o wybodaeth am y Strategaeth hon, cysylltwch â ni ar 01443 811365, neu anfonwch neges e-bost at timpolisi@caerffili.gov.uk

YN WELL GYDA’N GILYDD

Model gweithredu “awdurdod cyfan” newydd i sicrhau Bwrdeistref Sirol Caerffili gydnerth at y dyfodol